अर्घाखाँचीको शितगंगा नगरपालिका वडा नं. ५ स्थित हरि माविको क्वारेन्टिनमा सोही वडाका ४५ वर्षीय देब बहादुर बि क ले बुधबार विहान नजिकै रुखमा झुण्डिएर आत्महत्या गरेका थिए।गत जेठ १० गते भारतबाट फर्किएर क्वारेन्टाईनमा बसेका उनको २६ गते स्वाव संकलन गरिएकोमा पिसिआर रिपोर्ट बुधवार पोजेटिभ आएको हो ।
यसअघि आरडिटी परीक्षणमा पनि उनको रिपोर्ट पोजेटिभ नै आएको थियो । पिसिआरको रिपोर्ट नआउँदा सम्म दिनभर उनको शव रुखमै झुण्डिए कै अवस्थामा राखिएको थियो । रिपोर्ट आएपछि बल्ल बेलुकी शव रुखवाट भूईमा झारिएको हो । उनको शव नेपाली सेनाले सोही वडाको जंगलमा लगेर गाडेको छ ।
