दाङ्ग २८ पौष। होटल पौवाले आफ्ना सबै शाखाहरुबाट थारु समुदायको माहान चार्ड पर्व माघे संक्रान्तिलाई लक्षीत गर्दै माघीको परिकार खुवाउने भएको छ ।
यही माघ १ गते माघे संक्रान्तिका दिन पौवा होटलको हरेक शाखाहरुमा माघीका दिन परम्परा देखि खाईंदै आएको थारु परिकार ग्राहकहरुका लागि निशुल्क खुवाउन थालिएकोको होटल पौवाले जनाएको छ ।पौवा होटलका अनुसार जुन जुन स्थानमा पौवा होटलको शाखाहरु छन् सोहि शाखा रहेको स्थानमा स्थानीयले माघे संक्रान्तिका दिन परम्परा देखि खाँदै आएको थारु परिकार ग्राहकहरुलाई खुवाउन लागिएको हो ।
माघीको उपलक्ष्यमा थारु समुदायले बनाउने परिकारहरुमा ढिक्री, माछाको अचार, खिचडी, तरुल, सखरखण्ड यी सबै परिकारहरु होटल पौवाको शाखाहरुमा उपलब्ध हुुनेछन् । होटल पौवाका प्रमुख संचालन अधिकृत कृष्ण गौतमले बताए अनुसार ‘परम्परालाई निरन्तरता दिन र नेपाली संस्कृतिको जगेर्ना गर्न चाड अनुसारको स्वाद कार्यक्रम अगाडी ल्याईएको हो।’
होटल पौवाले कर्णाली प्रदेशको जुम्ला सहित लुम्बिनी प्रदेशको दाङ, कपिलवस्तु, रुपन्देही, पाल्पा र गुल्मीमा गरि ८ वटा शाखा संचालन गर्दै आएको छ । लुम्बिनी प्रदेशको स्थायी राजधानी देउखुरी भालुबाङमा फागुन महिना सम्ममा सुबिधा सम्पन्न होटल संचालनमा ल्याउने तयारीमा रहेको होटल पौवाका प्रबन्धनिर्देशक विष्णु ज्ञवालीले बताए।
