३० असार । दाङमा मापदण्ड विपरित चलेको टिप्परहरुलाई होल्डिङ गरी कारवाही गर्दा एकैदिन दुई लाख बढि राजस्व संकलन भएको छ । सिमेन्ट उद्योगका लागी आवश्यक पर्ने कच्चा पदार्थ ओसारपसार गर्ने टिप्परहरुलाई तुलसीपुर, घोराही र लमहीमा विहानै देखी दिनभर होल्ड गरीएको थियो । मंगलवार दिउँसो घोराहीमा स्थानिय सरकार, प्रशासन र टिप्पर व्यवसायीका बिच छलफल पश्चात जरिवाना गरी छोडिएको प्रमुख जिल्ला अधिकारी राम बहादुर कुरुङवाङले जानकारी दिनुभयो ।
मंगलवार होल्ड गरिएका झन्डै १५० टिप्परलाई एक हजार पाँच सयका दरले जरिवाना गरि छोडिएको उहाले जानकारी दिनुभयो । मापदण्ड विपरित चलेका टिप्परलाई एकैदिन कारवाही गर्दा दुई लाख रुपैया भन्दा राजस्व संकलन भएको प्रमुख जिल्ला अधिकारी कुरुङवाङले जानकारी दिनुभयो । दाङमा टिप्परहरुको ज्याददी,लापरवाही भएको भन्ने जनगुनासोको आधारमा कारवाही प्रक्रिया अघि बढाईएको उहाले बताउनुभयो । आगामी दिनमा टिप्पर तथा सिमेन्ट उद्योगले मापदण्ड पालना गर्ने सहमती भएको छ ।
