मोरङको सुन्दरहरैँचास्थित गछिया खोलामा एक महिलाको शव अर्धनग्न अवस्थामा भेटिएको छ ।
सुन्दरहरैँचा नगरपालिका–७ की २४ वर्षीया छेविनी ऋषिदेवको शव घरनजिकै गछिया खोलामा अर्धनग्न अवस्थामा फेला परेको हो ।
सोमबार बिहान खोलामा शव देखेपछि स्थानीय बासिन्दाले प्रहरीलाई खवर गरेका थिए ।
इलाका प्रहरी कार्यालय बेलबारीका प्रहरी निरीक्षक सरोज खनाल नेतृत्वको टोली कम्मरमुनि भित्री वस्त्र मात्र लगाएको अवस्थामा शव फेला पारेको हो ।
जिल्ला प्रहरी कार्यालय मोरङका प्रहरी प्रमुख एसपी जनार्दन जिसीका अनुसार घटना शंकास्पद देखिएपछि मृतक महिलाका श्रीमान २६ वर्षीय मन्जे ऋषिदेवलाई नियन्त्रणमा लिइएको छ ।
आइतबार साँझ श्रीमान–श्रीमतीबीच सामान्य भनाभन भएको प्रारम्भिक अनुसन्धानबाट खुलेको छ ।झगडा भएको जानकारी पाएपछि प्रहरीले मृतक महिलाका श्रीमान मन्जेलाई नियन्त्रणमा लिएको हो ।
